14:16
ခွပ်ဒေါင်းငယ်
ပြည်ပနိုင်ငံများသို့ ပညာသင်သွားမည့် ကျောင်းသားများ နိုင်ငံခြား ငွေကြေးကို တရားဝင်ကိုင်ဆောင် လဲလှယ်ခွင့်ရပြီး မိမိတို့၏ကျောင်းလခများကို ကိုယ်တိုင်ကျောင်းများဆီသို့ တိုက်ရိုက်ပေးသွင်းနိုင်ပြီ ဖြစ်ကြောင်း သိရှိရပါသည်။
ယခင်က ကျောင်းသားအများစုမှာ ပြည်ပနိုင်ငံရှိ ကျောင်းများသို့ ကျောင်းလခ ပေးသွင်းကြရာတွင် တရားမ၀င်လမ်းကြောင်းများမှ ငွေကြေးလဲလှယ် ပေးသွင်းကြရကာ ကြားခံပွဲစားအချို့၏ လိမ်လည်မှု ဖြစ်ရပ်များကြောင့် မလိုလားအပ်သော ငွေကြေးနစ်နာ ဆုံးရှုံးမှုများ ရှိခဲ့ကြသည်။
နိုင်ငံတော် ဗဟိုဘဏ်က ပြည်တွင်းပုဂ္ဂလိကဘဏ်များအား Money Changer လိုင်စင်များ ချထားပေးခဲ့ ပြီးပြည်ပထွက်ခွာမည့် ကျောင်းသား၊ ကျောင်းသူများ လိုအပ်သည့် နိုင်ငံခြားငွေကို ၎င်းတို့ဆီမှတရားဝင် ၀ယ်ယူနိုင်ပြီဖြစ်ခြင်းကြောင့် ယခင်ကကဲ့သို့ ကြားခံများမှ တစ်ဆင့် တရားမ၀င်လမ်းကြောင်းမှ ငွေလွှဲသည့်အခါ နစ်နာဆုံးရှုံးမှုများကို လျှော့ချသွားနိုင်မည် ဖြစ်သည်ဟုCrown Education ပညာရေးဝန်ဆောင်မှု လုပ်ငန်းမှ အကြံပေးအရာရှိ ဦးအောင်ကျော်ဆန်းက ပြောကြားခဲ့ပါသည်။
“နိုင်ငံခြား ကျောင်းသွားတက်မယ့်သူတွေမှာ အမြဲလိုလိုကြုံရတဲ့ ပြဿနာက ငွေလဲရတဲ့ကိစ္စပဲ။ အခုလို ပုဂ္ဂလိကဘဏ်တွေမှာ နိုင်ငံခြားငွေ ကို ကိုယ်တိုင်လဲပြီး ကျောင်းတွေဆီ ကိုယ်တိုင်တိုက်ရိုက် ငွေသွင်းခွင့်ရတော့ ငွေလိမ်တဲ့ကိစ္စတွေလည်း လျော့ကျသွားစေတာပေါ့”ဟု ကျောင်းသားမိဘ တစ်ဦးက ပြောပြခဲ့သည်။
“ကျွန်တော်တို့အနေနဲ့ AGD ဘဏ်နဲ့ ပူးပေါင်းဆောင်ရွက်ထားတယ်။ ဘဏ်ငွေလဲကောင်တာတွေ ရှိတဲ့နေရာတွေမှာ ကျောင်းသားတွေဟာ ကျောင်းရဲ့ offer letter တွေ၊ ပတ်စ်ပို့မိတ္တူတို့ အေးဂျင့်ရဲ့ ထောက်ခံချက်နဲ့ လဲလှယ်ခွင့်ရနေပါပြီ”ဟု Crown Education ပညာရေးဝန် ဆောင်မှုလုပ်ငန်းမှ အကြံပေးအရာရှိ ဦးအောင်ကျော်ဆန်းက ဆက်လက် ပြောပြခဲ့ပါသည်။
EMG
0 comments:
Post a Comment