ဗြိတိန်နိုင်ငံခြားရေးဝန်ကြီး ယုံကြည်ချက်ကြောင့် အကျဉ်းကျခံနေရသူများ လွှတ်ပေးရန်နှင့် ဒီမိုကရက်တစ်ပြုပြင် ပြောင်းလဲမှုများ ဆက်လက်ပြုလုပ်ရန် တိုက်တွန်း



၁၉၅၅ ခုနှစ် နောက်ပိုင်း မြန်မာနိုင်ငံသို့ ပထမဆုံး လာရောက်သည့် ဗြိတိန်နိုင်ငံခြားရေးဝန်ကြီးအဖြစ် ၀ီလျံဟိတ်ခ်ျ လာရောက် ကျန်ရှိနေသည့် ယုံကြည်ချက်ကြောင့် အကျဉ်းကျခံနေရသူများ လွှတ်ပေးရန်နှင့် ဒီမိုကရက်တစ်ပြုပြင် ပြောင်းလဲမှုများ ဆက်လက်ပြုလုပ်ရန် တိုက်တွန်း

၁၉၅၅ ခုနှစ် နောက်ပိုင်း မြန်မာနိုင်ငံသို့ ပထမဆုံးလာရောက်သည့် ဗြိတိန်နိုင်ငံခြားရေးဝန်ကြီးအဖြစ် ၀ီလျံဟိတ်ခ်ျသည် ၎င်း၏ နှစ်ရက်တာ သမိုင်းဝင်ခရီးအဖြစ် မြန်မာနိုင်ငံသို့ ဇန်န၀ါရီလ ၅ ရက်နေ့က ရောက်ရှိလာခဲ့ပြီး ခရီးစဉ်အတွင်း နိုင်ငံတော်သမ္မတ ဦးသိန်းစိန်၊ နိုင်ငံခြားရေးဝန်ကြီးဌာန ဦးဝဏ္ဏမောင်လွင်၊ ပြည်သူ့လွှတ်တော်ဥက္ကဋ္ဌ သူရဦးရွှေမန်း၊ အမျိုးသားဒီမိုကရေစီအဖွဲ့ချုပ်ခေါင်းဆောင် ဒေါ်အောင်ဆန်းစုကြည်၊ လူမျိုးစုခေါင်းဆောင် များနှင့် နေပြည်တော်နှင့် ရန်ကုန်တို့တွင် ဇန်န၀ါရီလ ၅ ရက်နေ့နှင့် ၆ ရက်နေ့တို့တွင် သီးခြားစီ တွေ့ဆုံဆွေးနွေးခဲ့သည်။ နေပြည်တော်တွင် နိုင်ငံတော်သမ္မတ ဦးသိန်းစိန်၊ နိုင်ငံခြားရေးဝန်ကြီးဌာန ဦးဝဏ္ဏမောင်လွင်၊ ပြည်သူ့လွှတ်တော်ဥက္ကဋ္ဌ သူရဦးရွှေမန်းတို့နှင့် သီးခြားစီတွေ့ဆုံဆွေးနွေးမှု များနှင့်ပတ်သက်၍ ဗြိတိန်နိုင်ငံခြားရေးဝန်ကြီးအဖြစ် ၀ီလျံဟိတ်ခ်ျက ''ဒီကအစိုးရအနေဲ့ ပြီးခဲ့တဲ့ ခြောက်လအတွင်း ပြုပြင်ပြောင်းလဲရေးတွေ လုပ်ဆောင်ခဲ့တာ အရေးကြီးတယ် ဆိုတာကို ကျွန်တော်အလေးအနက် ပြောကြားခဲ့ပါတယ်။ လာမယ့်ရက် သတ္တပတ်များနဲ့ လများအတွင်း တိုးတက်မှုများ ရှိလိမ့်မယ်လို့ ကျွန်တော့်အနေနဲ့ ရိုးရိုးသားသား မျှော်လင့်နေ ပါတယ်။ ဗြိတိန်အစိုးရအနေနဲ့ နိုင်ငံရေးအကျဉ်းသားအားလုံး လွှတ်ပေးတာကို မြင်ချင်တယ်ဆိုတာရယ်၊ ဧပြီလမှာ ကျင်းပမယ့် ကြားဖြတ်ရွေးကောက်ပွဲဟာ အများယုံကြည် လောက်ဖွယ်ရှိဖို့ရယ်နဲ့ လူသားချင်းစာနာထောက်ပံ့မှု အခွင့်အလမ်းနဲ့ ငြိမ်းချမ်းရေး ဆွေးနွေးပွဲတွေက တစ်ဆင့်အပါအ၀င် တိုင်းရင်းသားဒေသတွေမှာ ခံစားနေရတာတွေ သက်သာ တာကို မြင်ချင်တယ်ဆိုတာကို မျှော်လင့်နေကြောင်း ကျွန်တော် ရှင်းရှင်းလင်းလင်း ပြောကြားခဲ့ပါတယ်။ နှစ်နိုင်ငံပြည်သူကြားရှိနေတဲ့ ရင်းနှီးချစ်ကြည်မှုနဲ့ နှစ်နိုင်ငံကြား ဆက်ဆံရေးကို ပြောကြားခဲ့ပါတယ်။ ဗြိတိန်အစိုးရအနေနဲ့ ဒီနိုင်ငံက ပြည်သူတွေ ရှာဖွေနေတဲ့ နိုင်ငံရေးလွတ်လပ်မှုနဲ့ လူ့အခွင့်အရေးတွေမှာ တိုးတက်မှုတွေ ရေရှည်တည်တံ့စေမယ့် တိုးတက်မှုများ ဆက်လက်ပြုလုပ်မှုကို အပြုသဘောဆောင် တုံ့ပြန်ဆောင်ရွက်သွားဖို့ အသင့်ရှိနေတဲ့အကြောင်း ကျွန်တော်ရှင်းရှင်းလင်းလင်း ပြောကြားခဲ့ပါတယ်'' ဟု ပြောကြားခဲ့သည်။ ဒေါ်အောင်ဆန်းစုကြည်နှင့် တွေ့ဆုံဆွေးနွေးပြီးနောက် ဗြိတိန် နိုင်ငံခြားရေးဝန်ကြီး ၀ီလျံဟိတ်ခ်ျက ပြုပြင်ပြောင်းလဲမှုများ ပြုလုပ်ခဲ့သော်လည်း ဆက်လက်လုပ်ဆောင်ရန် အများကြီး ကျန်ရှိနေပါသေးကြောင်း၊ ကျန်ရှိနေသည့် နိုင်ငံရေး အကျဉ်းသားများ လွှတ်ပေးရေးသည် အရေးကြီးသည်ဟု မိမိတို့မြင်ပါကြောင်း၊ ယုံကြည်ချက်ကြောင့် အ ကျဉ်းကျခံနေရသူများ ထောင်များတွင် ရှိနေသေးသည့် နိုင်ငံတစ်နိုင်ငံကို လွတ်လပ်ပြီး ဒီမိုကရက်တစ်ဖြစ်သည့် နိုင်ငံတစ်နိုင်ငံဟု ဆိုရန် မဖြစ်နိုင်ကြောင်းတို့ကို ပြောကြားခဲ့သည်။ ထို့ပြင် ဒေါ်အောင်ဆန်း စုကြည်က ''နိုင်ငံရေးအကျဉ်းသား အားလုံးကို လွှတ်ပေးသင့်ပါတယ်။ နိုင်ငံတွင်း ဖြစ်နေတဲ့ လူမျိုးစု ပဋိ ပက္ခအားလုံးအဆုံးသတ်ရေးအတွက်  အားလုံးကြိုးပမ်းသင့်ပါတယ်။ နောက်ပြီး လွတ်လပ်ပြီး တရားမျှတတဲ့ ကြားဖြတ်ရွေးကောက်ပွဲကို မြင်ချင်ပါတယ်''ဟု မီဒီယာများသို့ ပြောကြားခဲ့သည်။ ဗြိတိန် နိုင်ငံခြားရေးဝန်ကြီး ၀ီလျံဟိတ်ခ်ျသည် ခရီးစဉ်အတွင်း ကိုမင်းကိုနိုင် ဦးဆောင်သော ၈၈ မျိုးဆက်ကျောင်းသားများအဖွဲ့မှ အဖွဲ့ဝင်အချို့နှင့်လည်း မြန်မာနိုင်ငံဆိုင်ရာ ဗြိတိသျှသံအမတ်ကြီးနေအိမ်တွင် ဇန်န၀ါရီလ ၆ ရက်နေ့ မွန်းလွဲပိုင်းက တွေ့ဆုံခဲ့ပြီး ထိုသို့ တွေ့ဆုံရာတွင် ဗြိတိန် နိုင်ငံခြားရေး ၀န်ကြီး ၀ီလျံဟိတ်ခ်ျက မြန်မာနိုင်ငံ ဒီမိုကရေစီဖွံ့ဖြိုးရေး၊ လူသားချင်း စာနာထောက်ထားမှု အကူအညီရရှိရေး လုပ်ဆောင်ပေးသွားမည်ဖြစ်ကြောင်းနှင့် ယုံကြည်ချက်ကြောင့် အကျဉ်းကျခံနေရသူအားလုံး လွှတ်ပေးရန် တောင်းဆိုခဲ့ကြောင်းကို ပြောကြားခဲ့ကြောင်း၊ ကိုမင်းကိုနိုင် ဦးဆောင်သော ၈၈ မျိုးဆက်ကျောင်းသားများအဖွဲ့က တိုင်းပြည်ပြုပြင် ပြောင်းလဲရေးများတွင် နိုင်ငံတော် သမ္မတကြီးနှင့် မလုံလောက်ဘဲ တပ်မတော် ပါဝင်နေသည့် အမျိုးသားကာကွယ်ရေးနှင့် လုံခြုံရေးကောင်စီကလည်း ပြုပြင်ပြောင်းလဲရေးအတွက် စိတ်ပါလက်ပါရှိရန် လိုလားကြောင်း၊ ဒီမိုကရေစီဖြစ်ထွန်းရေးလုပ်ဆောင်မှုနှင့်အတူ ကချင်အရေး ကိစ္စကဲ့သို့ ပြည်တွင်းစစ်ကိစ္စရပ်များကိုလည်း ရပ်ရန်လိုအပ်ကြောင်းနှင့် နိုင်ငံရေးအကျဉ်းသားများ လွှတ်ပေးရန် လိုအပ်ကြောင်းတို့ကို ပြောကြားခဲ့ကြောင်း ကိုမင်းကိုနိုင် ဦးဆောင်သော ၈၈မျိုးဆက်ကျောင်းသားများ အဖွဲ့၏ ပြောရေးဆိုခွင့်ရ ကိုမြတ်သူ က ပြောကြားခဲ့သည်။ ဗြိတိန်နိုင်ငံခြားရေးဝန်ကြီး ၀ီလျံဟိတ်ခ်ျက အမေရိကန်နိုင်ငံခြားရေးဝန်ကြီး ဟီလာရီကလင်တန်နှင့် ၂၀၁၁ ခုနှစ် ဒီဇင်ဘာလ ၁၂ ရက်နေ့တွင် တွေ့ဆုံဆွေးနွေးမှုအပြီး၌ မြန်မာနိုင်ငံသို့ သွားရောက်မည့်ခရီးစဉ်နှင့်ပတ်သက်၍ ထုတ်ဖော်ကြေညာခဲ့သည်။ ဗြိတိန်နိုင်ငံ၏ နိုင်ငံတကာ ဖွံ့ဖြိုးတိုးတက်ရေးဌာန ၀န်ကြီး အန်ဒြူးမစ်ချယ်(လ်)သည်လည်း မြန်မာနိုင်ငံသို့ ၂၀၁၁ ခုနှစ်နိုဝင်ဘာလက သုံးရက်ကြာ လာရောက်ခဲ့ သေးသည်။  EMG

Posted in: မြန်မာသတင်း